Արամայիս Սարգսյան (դերասան)

Արամայիս Սարգսյան
Ծնվել է	մայիսի 17, 1947 (77 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Կրթություն	Երևանի պետական համալսարան, Մոսկվայի պետական լեզվաբանական համալսարան (1971) և Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և Հայաստան
Մասնագիտություն	դերասան և ռեժիսոր
Պարգևներ և մրցանակներ	Հայաստանի արվեստի վաստակավոր գործիչ և Հայաստանի մշակույթի նախարարության ոսկե մեդալ

Անվան այլ կիրառումների համար տե՛ս՝ Արամայիս Սարգսյան (այլ կիրառումներ)

Վիքիպեդիայում կան հոդվածներ Սարգսյան ազգանունով այլ մարդկանց մասին։

Արամայիս Բաբկենի Սարգսյան (Մայիս Սարգսյան, մայիսի 17, 1947(1947-05-17), Կիրովական, Հայկական ԽՍՀ, ԽՍՀՄ), հայ դերասան, ՀՀ արվեստի վաստակավոր գործիչ (2009)։ Վանաձորի Հովհաննես Աբելյանի անվան դրամատիկական թատրոնի դերասան։

Կենսագրություն

Սարգսյանը հաճախել է թիվ 10, այնուհետև՝ Դիլիջանի միջնակարգ, ապա՝ Վանաձորի թիվ 8 միջնակարգ դպրոց։

1966 թվականին ընդունվել է Երևանի պետական համալսարանի պատմության ֆակուլտետի ժուռնալիստիկա բաժինը, սակայն երկու ամիս անց հեռացվել է՝ վատ վարքի պատճառով։ 1969-1971 թթ.-ին սովորել է Մոսկվայի օտար լեզուների ինստիտուտի հեռակա բաժնում։

Մայիս Սարգսյանի խաղացած առաջին դերը եղել է 4-րդ դասարանում, երբ բեմադրվում էր Թումանյանի «Անուշ» ստեղծագործությունը։ Խաղացել է Մոսիի դերը։

Վանաձորում 1963 թ-ին հիմնադրված պատանի հանդիսատեսի թատրոնում Մայիս Սարգսյանը խաղացել է բազում դերեր, այդ թվում նաև «Գիքորը»։

Մոսկվայի օտար լեզուների ինստիտուտում ուսանելիս միաժամանակ աշխատել է նաև լամպերի գործարանում։

1971 թվականին ընդունվել է Երևանի գեղարվեստա-թատերական ինստիտուտ, որտեղ նույն կուրսում սովորել է Արմեն Էլբակյանի, Թամար Հովհաննիսյանի, Հասմիկ Տեր-Կարապետյանի, Գրետա Մեջլումյանի, Գայանե Մկրտչյանի, Սիլվա Յուզբաշյանի և այլ նշանավոր արտիստների հետ։ Սովորելուն զուգընթաց, աշխատել է Հայէլեկտրոգործարանում։ Հետագայում, Գրետա Մեջլումյանի և Վրույր Հարությունյանի հետ, ստեղծել է «Բոհեմ» կամերային թատրոնը, որտեղ նաև խաղում է։ Վանաձորի Հովհաննես Աբելյանի անվան թատրոնի դերասան է։ Զուգահեռ աշխատում է Երևանի թատրոնի և կինոյի պետական ինստիտուտում, դոցենտ է^[1]։

Գրետա Մեջլումյանի և Վրույր Հարությունյանի հետ ստեղծել է «Բոհեմ» կամերային թատրոնը և հանդիսանում է նրա հիմնադիր և գեղարվեստական ղեկավարը^[2]^[3]։

Ֆիլմեր

«Գնչու Ազա», 1987
«Անապատ», 1991
«Որտե՞ղ էիր, մարդ աստծո», 1992
«Ծովահենների իշխանություն», 1994
«Ղարաբաղյան անավարտ օրագիր», 1995
«Հերոստրատ», 2002
«Շեմ», 2002

Պարգևներ

ՀՀ մշակույթի նախարարության ոսկե մեդալ, 2017^[4]
ՀՀ արվեստի վաստակավոր գործիչ, 2009

Ծանոթագրություններ

↑ «Մայիս Սարգսյանի կենսագրությունը zarkfoundation.com կայքում».
↑ «Արամայիս Սարգսյանի մասին zarkfoundation.com կայքում».
↑ Маис Саркисян
↑ «ՀՀ մշակույթի նախարարության պարգևներ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ». mincult.am. Վերցված է 2018 թ․ հունվարի 6-ին.

[1] «Մայիս Սարգսյանի կենսագրությունը zarkfoundation.com կայքում».

[2] «Արամայիս Սարգսյանի մասին zarkfoundation.com կայքում».

[3] Маис Саркисян

[4] «ՀՀ մշակույթի նախարարության պարգևներ - ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄՇԱԿՈՒՅԹԻ ՆԱԽԱՐԱՐՈՒԹՅՈՒՆ». mincult.am. Վերցված է 2018 թ․ հունվարի 6-ին.

[1]

[2]

[3]

[4]